Ansi

UTF-8

Devanagari

Arzdasht 333

|| श्री महाराजाधिराज महारा-

|| जा श्री जै सिघजी

||:|| स्वस्ति श्री महाराजाधिराज महाराजा श्री चरण कमलांनु षांनाजाद षाक पाय पां॰ जगजीवन दास लिषतं | तसलीम बंदगी अवधारजौ जी | अठा का स्माचार श्री महाराजाजी रा तेज प्रताप थे भला छे | श्री महाराजाजी रा सीष स्माचार सासता प्रसाद करावजौ जी | श्री महाराजाजी माइत हे धणी हे श्री परमेसुरजी री जायगा हे | म्हे श्रीजी रा षांनाजाद बंदा हां जी | श्री पातिसाहजी श्री महाराजाजी थे महरवान है | श्रीजी सुष पावजौ जी | पान गंगाजल आरोगण रा जतन फुरमावजौ जी |

| अप्रच श्रीजी रा परवांनां पै दर पै इनायत हुवा सु तसलीमात कर सीर चढाय लीया तमाम सरफराजी षांनाजाद नवाजी हुइ जी |

| महाराजा सलामत - इजाफा की तसदीक लिषाय महाबत षांजी का दसषत कराया (----) आठ से असवार असी लाष दांम अहमदाबाद गुहारा की सरत उपर हुवा अर कंतत की सरती दांअ दीवानी दफतर मे ठहरसी कंतत व तरहार की सरकार महाल पांच जुमले महाल छह उपर असी लाष दांम है सु कंतत की सरत उपर जीतनां दांम दीवानी मे ठहरसी त्यां की सनद लेसां जी अर ये सरती दांम उठे हे फोजदारी का महाला मे तनषाह लेसां जी | तरहार की फोजदारी को तलास भंडारीजी कीयो पण नवाब कबुल न कीयो |

| बीरादरी की जागीर के वासते अज्मेर की पायबाकी को हुकम बकसी का दफतर सु लीषायो हे अब दीवानी दफतर ले जासां उठे पायबाकी देब गो (?) -का दांम लेसां जी |

| फोजदारी का परवांनां काजी की मोहर की नकल कराय भंडारीजी ने दीवानजी ने सोपा है सु हजुर भेजा होसी जी | सु नजर गुजरा होसी जी | फुरमान भी तयार हुवा |

| सं॰ 1768 मंगसर बदि 6 भोमवार |||||