www.mathias-metzger.de
Ansi UTF-8 Devanagari


Vakil Report 220

श्री परमेसुरजी सति छै जी

श्री महाराजाधिंराज महाराजा

जी श्री सवाइ मिरजा राजा जै संघजी

|| सिधि श्री महाराजाधिराज महाराजाजी श्री

चरण कमलायनू षांनाजाद षाक पाय पचोली जगजीवन दास लिषतं तसलींम बंदगी अवधारिज्यै जी | अठा का समांचार श्री महाराजाजी का तेज परताप करि भला छै | श्री महाराजाजी का सीष समाचार सासता परसाद करवज्यै जी | श्री महाराजाजी माइत है धणी है | श्री परमेसूरजी की जायगा है | म्हे श्री महाराजाजी का कदीम षांनाजाद बंदा हां जी | श्री महाराजाजी सैं श्री पातिस्याहजी मिहरवान है | श्री महाराजाजी सुष पावज्यै जी | पांन गंगाजल आरोगिबा का घणां जतंन फरमावज्यै जी |

श्री महाराजाजी सलांमति - सवाइ का षिताब हुवा ती की मुबारिकबादी की अरजदासित आगैं कि है सो नजर मूबारिक गूजरी होसी जी |

श्री महाराजाजी सलांमाति (sic!) - सवाइ का षिताब की बिगती सवाइ मिरजा राजै जै संघ (--) मिरजा राजै सवाइ जै संघ |

मीरजा राजै जै संघ सवाइ

श्री महाराजाजी सलांमति - षांनाजाद नै जी तेरै हुंकंम आवै तीं तरै षिताब दाषिल स्याहै कराय महीर षूदाय हजूरि भेजुं जी |

श्री महाराजाजी सलांमति - तषफीफ का स्याहा मिरबषसी का दफत्र सैं लाया था ति की अरजी दूरस करायी ओर ऐवज तषफीफ का दांम लेणां की अरजी दूरस कराइ | नवाब अमीरल उमरावजी नवब (sic!) अबदूला षांजी कै डेरै आया अर लूतफला षां सादिक दिवांन तंनका (?) नै व राय नोनिध नै बुलाया अर वां सै ताकीद करी जो राजां का कांम जागीरां का अब तक कों करि रष्या था तीं परि नवाब अमीरल उमरावजी व नवाब अबदूला षांजी व लूतफला षां व राय नोनिध च्यरुं ही रदबदल करि नवाब अबदूला षांजी की षात्र निसां करि अर ज्यं जागीरां की श्री पातिसाहजी हजूरि भेजी है जी श्री प्रमेसुर जी का अनोग्रह सैं व श्री महाराजाजी का तेज परताप सैं षांनाजाद पाछां सैं परवांना कराय श्री महाराजाजी हजूरि भेजूं हु जी |

श्री महाराजाजी सलांमति - हाथी रुपया दस हजार की कीमति को इनायत हुवो थो ती का स्याहा षांनसांमां नीमांनी सैं दसतक तयार कराय फील-षांना मै रजू करि है सो पाछां सैं हाथी ले हजूरि भेजू हु जी |

श्री महाराजाजी सलांमति - बाबति फौजदारी श्री मथराजी की महाराजि कंमर श्री चीमा साहिबजी कै नांव रदबदल की तपसीलवार आगैं अरजदासति कीं है ती नै अब तक कुछि जवाब षांनाजाद नै इनायत न हुवो | सो षांनाजाद उमेदवार है जो श्री महाराजाजी की षात्र मूबारिक मै आवै सो जवाब इनायत फरमावजे जी |

मीती असाढ सुदि 13 गुरवार (---) 1770 |||||