| Ansi | UTF-8 | Devanagari |
Arzdasht 101
॥ श्री महाराजाजी श्री बीसन सिंघजी
॥:॥ स्वस्ति श्री महाराजाधिराज महाराजा श्री चरण कमलांनु षांनांजाद षाक
पाय पां॰ जगजीवन दास लिषतं । तसलीम बंदगी अवधारजौ जी । अठा का स्माचार श्री
महाराजाजी रा तेज प्रताप सुं भला है । श्री महाराजाजाजी रा सीष स्स्माचार
(sic!) सदा प्रसाद करावजौ जी । श्रीजी माइत छै घणी छै । श्री परमेसुरजी री
जायगा छै । म्हे श्रीजी रा षांनांजाद बंदा छां जी । श्री पातिसाहजी श्री
महाराजाजी सुं महरवांन छै । श्री महाराजाजी सुष पावजौ जी । पांन गंगाजल
आरोगण रा जतन फुरमावजौ जी ।
। महाराजाधिराज सलांमत - श्री महाराजाजी रो परवांनो पोस सुद 12 आयो माथै
चढाय। लीयो तमाम सरफराजी षांनांजाद नवाजी हुइ तसलीमां बजाय ल्याया जी ।
। महाराजाधिराज सलांमत - श्रीजी आप का षांनांजाद बंदा जांन मेघराज नै
वकालत री षीदमत सुं सरफराज कीयो ती की तसलीमां बजाय ल्यायो जी । अर
षांनांजाद नै हुकम आयो ज मेघराज आवै जीतरै तुं कांम काज सुं षबरदार रहजै
सु महाराजाधिराज सलांमत - मवाफक हुकम रै षांनांजाद कांम काज सुं षबरदार
हुवो जी । अर असद षांजी रुहला षांजी बहरमंद षांजी लुतफला षांजी सलाबत
षांजी नै षत भेज्या था सु सलाबत षाजी तो हजुर मै रुहला षांजी रा नायब है
सु वां नै तो षत दीयो सारी हकीकत ज्मयत री बदबसत री कही अर बहरमंद षां दीन
पांच सात मै आसी तब देसुं अर असद षांजी रुहला षांजी नै षत भेज देसुं अर
लुतफला षांजी हजुर मै है बर तरफ मनसब सु कीया है सु लसकर बारै चोकी उपर
बेठा है सु यां नै भी देसुं अर केसोराय नै परवांनो दीयौ अर दवाब का अमला
फेला नै दसतक दीषाइ अर केसोराय ने हुकम थौ लेषौ ले हजुर आवै सु हजुर कौ
चालणौ तो कबुल न कीयौ । अर षांनांजाद सुं कहाय भेजौ ऐक लाष पंदरा हजार
रुपया अठै गुजराती यां का साहुकारां रा देणां है त्यां की नीसां करौ तब
षांनांजाद जवाब दै बेजौ था नै महाराजाजी हजुर बुलाया है सु थे लेषौ ले हजुर
चालौ सु कहै हजुर तो न जाउं सु रदबदल दर मीयांन है चुकसी सु अरजदासत करसुं
जी । अर अमला फेला नै दसतग दीषाइ सु षांनांजाद सुं मीला जाहर करै है (-) 3
बरस को लिषौ करणौ है सु अब करसां सु महीनां ऐक मै सारो कागल पाछलो बणासां
तब केसोराय का डेरा सुं उठ थारै पास डेरो करसां सु अब पाछलो हीसाब नवासीर
सुं बणाय चुकसी तब षांनांजाद कनै आय रहसी जी ।
। मेघराज भी दीन दस पंदरा मै अठै आसी अब षांनांजाद षबरदार है वै आयां भी
चालीस भायां सुं श्रीजी की गुलामी बजाय ल्यासुं जी । महाराज दरबार की तरफ
सुं भांत भांत षातर मुबारक ज्मां फुरमायजौ जी । महाराजधिराज रा प्रताप सुं
सारा कांम भली भांत चलायां जासी जी । श्रीजी रो माथै हाथ चाहजै जी ।
। महाराजाधिराज सलांमत - दवाब की तलब ऐक महीनां की देस रा मुतसदीयां उपर
बाकी है ओर तो सब षरची पोहची सो ही इक माहा री दवाब का लोगां को तलब चढी है
सु मंगै है अर पोस सुद 5 दस हजार की हुंडी केसोराय कनै आइ थी सु दवाब
वालां नै तो न दी बोहरां नै बांट दी सु अब देस नै हुकम होय षरची षांनांजाद
पास भेजौ करै जी ।
। महाराजाधिराज सलांमत - मीर हादी पातिसाहजी रो मुनसी है फुरमांन नवीस है
मीर षां आज्म साहको दीवांन है ती क बेटो है ती सुं षांनांजाद मीलो श्रीजी
रो परवांनो दीषायो तब श्रीजी की हकीकत पुछी तब षांनांजाद सब हकीकत ज्मयत
की थांणां की राह की जाटां री गट वां री कही अर जागीरदार सदा फीरयाद करै
था ती की अरज मीर हादी करी अर आकल षां उपर हुकम हुवो सारा महाल फोजदारी का
है त्यां मै जागीरदार है त्यां की मुफसल इसम-नवीसी लिष हसबल हुकम मै फरदां
लपेट डाक चोकी वो हुकम चलासी जी । सु श्रीजी भी ऐक वकील आकल षां पास भेजजौ
जुं सारां का मुकदमां उठै फेसल करै अठै कोइ न आवै हर बार फीरयाद कीण वासतै
कराजै ।
। महाराजाधिराज सलांमत - जो उठै मुकदमो फेसल न होय तो वै मुकदमां री
तफसीलवार हकीकत षांनांजादां नै परवांनां मै लीषजै जुं षांनांजाद वै मुकदमां
सुं वाकफ होय वै हुकम मवाफक अठै जवाब सुवाल कीयो करां । फारसी अरजदासत भेजी
है सु नजर गुजरसी हुकम आवै तो सदा हीदवी भी अरजदासत कीयो करां बाजै इसा
मतलब होसी सु मुनसी नै भी न दीषांजै ।
। महाराजाधिराज सलांमत - दरबार रा स्माचार । पोस सुद 11 सोमवार तारीष दसवी
रबी अल सांनी सन 35 । ऐक पहर दोय घड़ी दीन चढां पातिसाहजी अदालत बेठा
दीवांन दोनु मोकुफ कीया । । आज्म साहजी री फोज रा वाका सुं अरज पोहची
साहजादाजी सोलापुर आया तब मीर हादी नै पातिसाहजी फुरमायो हुकम मवाफक
साहजादाजी नै अरजदासत लिषो सोलापुर सुं जरीदा हजुर आवै मुलाज्मत करै ।
। उसमांन करावल नै हुकम हुवो दोलत षांनां सुं चार कोस उपर जायगा मुकरर कर
आवै जठै पातिसाहजादा को डेरो होय अर देढ कोस दोलत षांनां सुं जायगा मुकरर
करो जठै सीमीयांनां कना तां ले जाय षड़ी कर जो उहां हम जाय बेठैगै उधर सुं
साहजादा आवैगा अर सीकार की घात भी तयार करौ सु हुकम मवाफक उस्मांन करायल
जाय बांभणी गांव है दोलत षांनां सुं चार कोस है जरीबी सु तो साहजादा का
डेरा वासतै मुकरर कर आयो अर बहमनहोली गांव देढ कोस दोलतषांनां सुं है जठै
सीकार नै मुकरर कर आयो अर पातिसाही तरफ सुं सीमीयांनां षड़ा करसी ।
। पोस सुद 12 भोमवार तारीष 11 पहर पर दोय घड़ी दीन चढां अदालत बेठा दीवान
दोनु मोकुफ कीया ।
। मीर हादी की मोहर सुं हसबल हुकम की अरजदासत साहजादाजी नै तलब हजुर की
वली बेग गुरज बरदार ले गयो थो सु साहजादाजी की अरजदासत ले आयो साहजादैजी
लिषो थो हुकम मवाफक बाभनी गांव आउं हुं हजार रुपया गुरजबरदार नै
षीदमतांनां का दीया सु माफ कीया । मीर इनायतुला साहजादा रै वकील अरज कराइ
हुकम होय तो साहजादाजी कनै जाउ हुकम कीयो जाय ।
। पोस सुद 13 बुधवार तारीष 12 पहर उपर तीन घड़ी चढां गुसलषांनै बेठा अदालत
मोकुफ करी ।
। साहजादा आजम साहजी नै मे वो षोजा याकुत की साथ भेजौ सात षांन हुकम कीयो
पोहचाय आवै ।
। हुकम कीयो मुषलस षां बुनगाह मै रहै अर हफत चोकी सुवारी मै साथ चालै ।
। उस्मांन करावल जरीब करण भेजो थो सु आयो मुलाज्मत की अरज की साहजादैजी
सरपाव दीयो है हुकम कीयो तसलीमां करै ।
। पोस सुद 14 गुरवार तारीष 13 हुकम कीयो छह सीमयांनां नो कना तां देढ कोस
उपर जायगा मुकरर की है तठै ले जाय षड़ी करौ छह घड़ी दीन चढां आप सीकार नै
असवार हुवा जठै डेरो षड़ो कीयो थो तठै जाय बेठा मुषतयार षां नै व अज्म षां
नै पेसवा भेज्या ज साहजादाजी नै बेटां स्मेतं ले आयो सु मवाफक हुकम रै
पेसवा जाय साहजादा नै बेता स्मेत चार षीदमतगारां सुं ले आया साहजादैजी
मुलाज्मत की बे ऐराक आया हजार मोहर नजर की दोय हजार रुपया नीसार कीया
तसलीमात बजाय ल्याया साहजादै बेदार बषत मुलाज्मत की पांच सै मोहर नजर की
कदम-बोसी की पातिसाहजी पीठ उपर हाथ धरौ पेसानी चुबी बेठाया फेर सीकार नै
असवार हुवा ऐक हीरण सीकार कीयो फेर दोलत षां नो षड़ो कीयो थो जठै जाय बेठा
साहजादा नै रुकसत कीयो बेडारां की तंबीह नै इतरी बसतां इनांम दी ।
। सरपेच जड़ाउ
। संजर जड़ाउ
। अंगुठी ।
। घोड़ा 10
1 ऐराकी
1 कछी
1 आरबी सोंआं रा साज सु
7 तुरकी
। होदो आहनी हाथी को
। इतरी बसतां इनांम दै रुकसत कीया नीपत षेर कीफात (-----) वकत कुरक सत कै
साहाजादैजी फेर कदम-बोसी की
। साहजादा बेदार बषत नै रुकसत कीयो इतरो इनांम दीयो
। सरपेच मुरसै
। सुलतांन (-------------) लगी मुरसै दै रुषसत कीयो
। मरहमत षां नांमदार षां रै बेटै अरज कराइ थी उमेदवार हुं मुलाज्मत करु
हुकम हुवो अकेलो आवै सु आय मुलाज्मत की सात मोहर नजर की सरपाव दै रुकसत कीयो
। पातिसाहजी सुवार होय दोपहर का अमल मै आय बुनगाह का दोलत षांनां मै दाषल
हुवा
। पातिसाहजादा महमदम अज्म नै षाजा षीज्मतगार सां नाजर की साथ यमनी को
सरपेच भेजो थौ साहजादैजी अरज कराइ सरपेच की अहतयाज न्ही तब षीज्मत (-)ु-जार
सां फेर आय अरज की तब फुरमायो रषौ घड़ी दोय पाछै साहजादाजी हजुर आया तब
पातिसाहजी आप का हाथ सुं सरपेच साहजादाजी रा सर पर बांधो अर फुरमायो हम जो
भेजां करै तीस का उजर मत करौ साहजादै अरज करी जो दरकार होय है सो तो लुं
हुं हुकम कीयो जो जरुरी होयगी सु ही भेजतै है
। फाजल षां षांन षांमां अरज करी सुलतांन मअजुदी को व अजीमुदी को जवाहर जबत
हुवो थो सु तो वां नै फेर इनांम हुवो अर रफी अलकदर को जवाहर ऐक लाष केताक
हजार को जवाहर है सु न दीयो है हुकम कीयो ऐक षान मै सब जवाहर जुदौ कर
ल्यावौ सु मवाफक हुकम रै ऐक षान्मै (sic!) ले गया तब पातिसाहजी वो जवाहर
साहजादा मअज्म कनै भेज दीयो साहजादैजी सुलतांन रफी अलकदर नै दीयो ।
। जुलफकार षां नै लिषो थो म्हे थां नै कीलो लेण नै भेज्या था सु थे कीला
की बात छोडा दी अर मुलक नै लुटबा लागा सु अब चाहां हां उठै तो साहजादो कांम
बकस असद षां न भेजा है थां नै हजुर बुलावां ती पर जुलफकार षां लिषो मे जो
मुलक ताषत कीयो है सु इ वासति ज कीला नै रसदन पोहचै उमेदवार हुं दोय चार
महीनां मो नै राषजै जो दोय महीनां मै कांम न करुं तो तगीर कीजै तब अरजदासत
पट फुरमायो जुलफकार षां भी बेदरां की तरह लुटेरो है कांम उपर नजर न्ही जहां
कुछ हाथ लगै तहां जाय है षुब दोय महीनै मै कीला ले है तो मुजरा हैं न्ही तो
हजुर बुलासा ।