Vakil Report 190

||:|| श्री गोपालजी सहाय छै जी

|| श्री महाराजाधिराज महाराजा

जी श्री मीरजा राजा जै सिघजी

||:|| सिंधिं श्री महाराजाधिराज महाराजाजी श्री चरण कमलानु षानांजाद षाक पाय पचोली जगजीवन दास लिषतं | तसलीम बंदगी अवधारजो जी | अठा का समाचार श्री महाराजाजी का तेज परताप कर भला छै | श्री महाराजाजी का सीष समाचार सासता परसाद करावजो जी | श्री महाराजाजी माइत हैं धणी हैं | श्री परमेसुरजी की जायगा हैं | म्हे श्री महाराजाजी का षानांजाद बदा (sic!) हां | श्री पातसाहजी श्री महाराजाजी सु महरबान हैं | श्री महाराजाजी सुष पावजो जी | पान गंगाजल आरोगबा का घणा जतन फरमावजो जी |

| श्री महाराजाजी सलामत - मी॰ पोस सूदि 15 अरजदासत हजुर भेजी है सु नजर मुबारक गुजरी हो जी |

| श्री महाराजाजी सलामत - पोस सुदि 15 तीसरा पहर पछै मेह षूल गयो धूप नीकसी तब

फरूष सेरजी सुवार हुवा (हुवो ?) तद हरकारै मोजदीन नै षबर दी जु फरूष सेरजी सुवार हुवा तद मोजदीन भी सुवार हुवो दोनु तरफ सु मुकाबलो हुवो अर तोबषानां की लड़ाइ हुबा लागी इतरा मै फरूष सेरजी की फोजां दसत-रास दसत चप सुं को-ता हथयारां फोज मै पैठ (sic!) गया अर मोजदीन की फोज भागी मोजदीन नै मार लीयो अर ऐजुदीं नै पकड़ लीयो लाल कंवर की व अमीरल उमराव की व षान जहां बहादर की षबर छै जु मारा गया अर कोइ कहै छै जु पकड़ लीया अर फरष सेरजी की फतै हुइ सु मुबारकबादी की अरजदासत व नजर सीताब भेजजे जी | ओर समाचार पाछां सु अरजदासत करसूं जी |

मी॰ पोस सूदि 15 सबत 1769 |

| श्री महाराजाजी सलामत - महाराजा श्री अजीत सिघजी की तरफ सुं तो वां लाष रूपया भर दीया अर षानांजाद सरकार का लाष रूपया न भरा अर सरकार की कीफायत की सु मालूम होय जी |

1|| श्री रामजी

श्री महाराजाजी सलामत - फरूष सेरजी की फते हुइ अर साझ की बीरया छै सु या षबर नही जु मोजदीन भागो या कठै ही छीप रह्यो या मारो गयो सु सवार तहकीक होसी सु अरजदासत करसुं जी |||||